ചെറുപ്പം

“അല്ലേലും ന്നെ ഈടെ ആർക്കും വേണ്ടല്ലോ..ന്നെ ആർക്കും ഇഷ്ടല്ല.നിക്കറിയാ..” ഞാൻ ചിണുങ്ങി.എന്നെ ഇരുകൈകളാൽ പൊക്കിയെടുത്ത് അച്ഛൻ തോളിലിരുത്തി. “ആർക്ക് വേണ്ടാച്ചാലും ന്റെ പാറൂട്ടീനെ നിക്ക് വേണം ട്ടോ..ന്റെ കണ്ണിലെ കൃഷ്ണോണി അല്ലേ നിയ്യ്‌..” “ഒരച്ഛനും മോളും..ഇന്നെന്തിനാ പിണക്കം?” നനഞ്ഞ മുടി വാരിക്കെട്ടി നെറുകയിൽ കുങ്കുമച്ചോപ്പ് പടർത്തി അമ്മ കോലായിലേക്ക് ഇറങ്ങി വന്നു. “അച്ഛനും മോളും തമ്മിൽ പിണക്കോം പരിഭവോം ഒക്കേണ്ടാവും..അതിലൊന്നും അമ്മ ഇടയിൽ കേറണ്ട, ല്ലേ പാറൂട്ടി?” “അതന്നെ..ന്റെ അച്ഛനെ നിക്ക് വല്ല്യ ഇഷ്ടാണല്ലോ..ഈ അമ്മക്ക് കുശുമ്പാ..” […]

Read More ചെറുപ്പം

ചുവന്ന മൂക്കുത്തി

അവളെ തേടിയാണീ യാത്ര.ചുവന്ന കല്ലുള്ള മൂക്കുത്തിയണിഞ്ഞവളെ. ജീവിതം തന്നെ അവളെ കണ്ടെത്താൻ വേണ്ടിയായിരുന്നു. അവളൊരു തരം പ്രതീക്ഷയാണ്, പ്രത്യാശയാണ്.ജീവിക്കാൻ ദൈവം കൺമുന്നിലേക്ക് എറിഞ്ഞു തന്ന ഒരു പിടിവള്ളി. കഴുകി വൃത്തിയാക്കിയ വെളുത്ത യൂണിഫോം ധരിച്ച ഒരു ചെറുപ്പക്കാരൻ മുന്നിൽ വന്നു നിൽക്കുന്നു. “സർ ഒരു ജിഞ്ചർ ലെമൺ ടീ അല്ലേ?” മെല്ലെ ഒന്ന് പുഞ്ചിരിച്ച് ഞാൻ തലയാട്ടി. കഴിഞ്ഞ കുറേ ദിവസങ്ങളായി എല്ലാ സായാഹ്നങ്ങളിലും ഇവിടെ വന്ന് ഇതുതന്നെയാണ് ഓർഡർ ചെയ്യാറ്. ഒട്ടുമിക്ക സ്റ്റാഫുകൾക്കും ഞാൻ ചിരപരിചിതനാണ്. […]

Read More ചുവന്ന മൂക്കുത്തി

ചരിത്രവിധി

രജസ്വലയാണ്, ഉടലൊന്നാകെ പടർന്നു കേറുന്ന വേദന കടിച്ചമർത്തി തലയിണയിൽ മുഖമൊതുക്കിയാണ് രാവുതീർത്തത്… എങ്കിലുമീ പുലരിയിൽ തളർച്ച അശേഷമലട്ടുന്നില്ല.. അറയ്ക്കുള്ളിൽ ഒളിച്ചുവച്ച ചോരക്കറ വിട്ടുമാറാത്ത വെള്ളത്തുണികൾ പുറത്തെടുത്ത് ഞാൻ നെഞ്ചോട് ചേർത്തു… അതിലിന്ന് വിജയത്തിന്റെ ഗന്ധമുണ്ട്, ഓരോ ഇഴകളായി പൊട്ടിച്ചെറിയുന്ന വിലക്കിന്റെ ചങ്ങലയുടെ മുഴക്കമുണ്ട്.. ഉറക്കച്ചടവ് മാറാത്ത കൂമ്പിയ കണ്ണുകൾ തുറന്നുപിടിച്ചു ഞാനാ വെള്ളത്തുണി വലിച്ചുകീറി കൈത്തണ്ടയിൽ വച്ചു തിരി ചുരുട്ടി… കർപ്പൂരത്തിന്റെ വാസന വിട്ടൊഴിയാത്ത പൂജാമുറിയിൽ അഞ്ചുതിരിയിട്ടു നിലവിളക്കിൽ നാളിന്നോളമൊഴുക്കിയ കണ്ണീരെണ്ണ പകർന്നു.. തെളിഞ്ഞ വിളക്കുമേന്തി ദീപം […]

Read More ചരിത്രവിധി

ബോഗൻവില്ലകൾ

വരണ്ട ചുവരുകളോളം എന്റെ മനം മടുപ്പിച്ച മറ്റൊന്നുമില്ല.ഒരുപാടധികം പ്രതീക്ഷകളുമായി ആദ്യമായി ഇവിടെ എത്തിയപ്പോൾ തന്നെ എന്നെ വരവേറ്റത് ചങ്ങലകൾ നിലത്തിരയുന്ന മൂർച്ചയേറിയ ശബ്ദവും, ഇരുമ്പഴികളിൽ കൈ കാലിട്ടടിച്ചു മുറിവേറ്റു ചോര പൊടിഞ്ഞവരുടെ നിലവിളികളുമാണ്.ഇവിടെ ആണിനി എന്റെ ജീവിതം മുഴുവനും എന്ന് സ്വയം പറഞ്ഞു വിശ്വസിപ്പിക്കാൻ ഞാനേറെ പാടുപെട്ടു.എന്തിനാണ് ഈ മേഖല തിരഞ്ഞെടുത്തതെന്ന് ഒരുപാട് പേർ ചോദിച്ചിരുന്നു.സത്യത്തിൽ എനിക്കും അതറിഞ്ഞുകൂടാ.ഒരു പക്ഷേ എന്റെ ഉള്ളിലുമുണ്ടാവും ചെറിയൊരു ഭ്രാന്ത്.ഭ്രാന്തന്മാരെ ചികിൽസിക്കുന്നവർക്ക് കുറച്ച് ഭ്രാന്ത് നല്ലതാ.. ദിവസം മുഴുവനും ഇവർക്കിടയിൽ കഴിയുമ്പോൾ […]

Read More ബോഗൻവില്ലകൾ

മഴവില്ല്

“ഓരോ രാത്രിയിലും ഈ മാറിന്റെ ചൂടേറ്റ് കിടക്കുമ്പോൾ സ്നേഹം നിറഞ്ഞുകവിഞ്ഞ നിന്റെ ഹൃദയത്തിന്റെ സ്പന്ദനം എനിക്ക് കേൾക്കാൻ കഴിയാറുണ്ട്.നീ എന്നെ എത്ര മാത്രം സ്നേഹിക്കുന്നുണ്ടാവണം അതിങ്ങനെ അണപൊട്ടി ഒഴുകണമെങ്കിൽ…” വികാരാധീനനായി ഞാൻ അവന്റെ കണ്ണിൽ നോക്കി.പ്രണയത്തിന്റെ തിരുമുറിവുകൾ കണ്ണീരിൽ നനഞ്ഞു കുതിർന്ന് അവന്റെ കവിളിലൂടെ ഒഴുകിയിറങ്ങി.ഒരായിരം തവണ ഞാനീ രംഗം കണ്ടുകഴിഞ്ഞതാണ്‌.സ്നേഹം ഏറെ ആകുമ്പോൾ എന്റെ വായിൽ നിന്ന് കവിത ഒഴുകും.അവന്റെ കണ്ണ് നിറയും.അങ്ങനെ ആണ് ഞങ്ങൾ സ്നേഹിക്കാറുള്ളത്, സ്നേഹം പങ്കുവക്കാറുള്ളത്. കട്ടിലിനു തൊട്ടടുത്ത് അവന്റെ പ്രിയപ്പെട്ട […]

Read More മഴവില്ല്

ബലിയുരുള

ദർഭപ്പുല്ല് വിരിച്ച പീഠത്തിൽ കണ്ണുകളടച്ചു മൂകനായിരിക്കുന്നത് നന്ദുവല്ലേ..,അതെ.. അവനിത്രമേൽ പക്വത എവിടെ നിന്നാണ് ആർജ്ജിച്ചെടുത്തത്? ഒരൊറ്റ നിമിഷം പോലും അടങ്ങി ഇരിക്കാൻ തയ്യാറാവാത്തവൻ അത്യധികം ഏകാഗ്രതയോടെ ധ്യാനത്തിൽ മുഴുകിയിരിക്കുന്നു.അവനത്ര മേൽ അച്ഛനെ സ്നേഹിച്ചിരുന്നിരിക്കണം..അല്ലെങ്കിലും അച്ഛന് മോക്ഷം കിട്ടാൻ മകനല്ലാതെ ആരാണ് തർപ്പണം ചെയ്യുക? ഇടത്തോട്ട് വിരിച്ചിട്ട വാഴയിലയിൽ എള്ളും പൂവും ചേർത്തുരുട്ടിയെടുത്ത മൂന്നു നാലു പച്ചരിച്ചോറുരുളകൾ.ദർഭ അണിഞ്ഞ വിരലുകൾ ചേർത്തു പിടിച്ച കൈക്കുമ്പിളിൽ പുണ്യാഹതീർത്ഥം.അവന്റെ ചുണ്ടുകൾ പതിയെ ചലിക്കുന്നുണ്ടോ?അവനെന്തൊക്കെയോ സംസാരിക്കുന്നുണ്ടോ?ഏയ്, അല്ല അവൻ ഉരുവിടുന്നത് മന്ത്രങ്ങൾ ആയിരിക്കാം.പിതൃപരമ്പരക്ക് […]

Read More ബലിയുരുള

സദാചാരം

ഇനിയെങ്കിലും പൊട്ടിപ്പൊളിഞ്ഞ സദാചാരത്തിന്റെ മുഷിഞ്ഞ കണ്ണട അഴിച്ചുമാറ്റി ചുറ്റിലുമൊന്ന് കണ്ണോടിക്കുക..അവർ ചേർന്നിരുന്ന വാകമരച്ചോട്ടിൽ പ്രണയത്തിന്റെ ചുവപ്പ് വസന്തം വിടർത്തിയത് കാണാം..അവർ കൈകോർത്തുനടന്ന മണൽ തീരത്ത് തിരപോലും വന്നുമായ്ക്കാത്ത ഉപ്പുചുംബനങ്ങൾ കാണാം..അവരുടെ സ്വകാര്യതയിൽ കൈകടത്തി രഹസ്യങ്ങളിൽ എത്തിനോക്കി സ്വസ്ഥത കെടുത്താതിരിക്കുക…ഒരുപക്ഷേ അവരുടെ സംഭാഷണങ്ങളിൽ മാനത്തെ വെള്ളിനക്ഷത്രങ്ങളാവാം,നിലാവ് പെയ്യുന്ന രാത്രികളിൽ ഉറക്കം കെടുത്തിയ അവരുടെ സ്വപ്നങ്ങളാവാം,അവരൊരുമിച്ചു പോവാൻ കൊതിക്കുന്ന യാത്രകളാവാം,ജീവിക്കാൻ അനുവദിക്കാത്ത സമൂഹത്തോടുള്ള അമർഷമാവാം,നല്ല നാളെയിലേക്കുള്ള പ്രതീക്ഷകളുമാവാം…ഒരുപക്ഷേ അവരുടെ ആലിംഗനങ്ങൾക്ക് സൗഹൃദത്തിന്റെ മണമുണ്ടാവും.അവരുടെ ചുംബനങ്ങൾക്ക് പ്രണയത്തിന്റെ ചൂരുണ്ടാവും..തിരക്കേറിയ ജീവിതത്തിൽ നിങ്ങളുടെ […]

Read More സദാചാരം