പ്രണയം

“വരിക…,എനിക്കൊപ്പം…”
വാക്കുകൾ കൊണ്ടാണ് നീ അന്നും എന്നെ പ്രലോഭിപ്പിച്ചിട്ടുള്ളത്….
ഇനിയും വിശ്വസിക്കാൻ വയ്യ…

മറന്നു പോയ വാക്കുകൾ തിരികെ എടുക്കാൻ നീയിനിയും വരുമെന്ന് പ്രതീക്ഷിച്ചുകൊണ്ട് ഒരുപാടധികം തവണ നിന്റെ മടിയിൽ തല ചായ്ച്ചു കിടന്ന ഇതേ ഉമ്മറപ്പടിയിൽ ഞാൻ കണ്ണും നട്ടിരുന്നിട്ടുണ്ട്…

ഇനിയൊരു തിരിച്ചുവരവ് ഉണ്ടാവില്ലെന്നറിഞ്ഞിട്ടും…,
അഥവാ നീ വന്നു വിളിച്ചാലും ഇനിയും ഇറങ്ങിവരില്ല എന്നുറപ്പിച്ചിട്ടും…
നിന്റെ വാക്കുകൾ പളുങ്കുമണികളാണ്,
ഒന്നു നിലത്തു വീണാൽ ആയിരം തുണ്ടുകളായി ചിന്നിച്ചിതറുന്നവ…

ഓരോ വരികളിലും സ്നേഹമൊളിപ്പിച്ച നിന്റെ കവിതകൾക്ക് ഞാനിട്ട തലക്കെട്ടുകൾ പോലെ,
മരവിച്ചു ചലനമറ്റു കിടക്കുന്ന നിന്റെയും എന്റെയും പ്രണയത്തിന്റെ ശേഷിപ്പുകൾ അനാഥമായി
നാമിരുന്നു വസന്തം പടർത്തിയ മരച്ചോട്ടിലൊക്കെയും വീണുകിടപ്പുണ്ട്…

ഇല്ല ഇനിയുമവ ചെന്നെടുക്കുവാനും ഹൃദയത്തിൽ സൂക്ഷിക്കുവാനും കഴിയാത്ത വിധം ഞാൻ നിന്നെ മറന്നുപോയിരിക്കുന്നു…
നിന്നെ, നീ നൽകിയ ചുംബനങ്ങളെ, നീ പകർന്നുതന്ന മധുരമേറിയ പ്രണയവീഞ്ഞിനെ, നീ എഴുതി മുഴുമിക്കാതെ വച്ച കവിതകളെ, നീ സ്നേഹിച്ചിരുന്നെന്ന് നീ തന്നെ പറഞ്ഞ എന്നെത്തന്നെയും ഞാൻ മറന്നുപോയിരിക്കുന്നു…

ഇന്ന് വീണ്ടും നാം നടന്ന വഴികളുടെ ഓർമ പുതുക്കാൻ
നീയെനിക്ക് നൽകിയ പ്രണയത്തിന്റെ മുറിവിൽ മരുന്ന് വച്ചുകെട്ടാൻ ഒരിക്കൽ കൂടി വന്ന്‌ വിളിക്കുമ്പോൾ..,
ഇറങ്ങിവരികയാണ്‌ നിനക്കൊപ്പം…..

എത്ര മേൽ മുറിവേൽപ്പിച്ചാലും ഒരൊറ്റ വിളിയിൽ ഉരുകിപ്പോവുന്ന പരിഭവങ്ങളാണെന്നെ നിസാരയാക്കുന്നത്…
എത്ര മേൽ വാശി പിടിച്ചാലും തോറ്റ് കൊടുക്കുന്ന നിന്നോടുള്ള എന്റെ പ്രണയമാണ് എന്നും എന്നെ അബലയാക്കിയിട്ടുള്ളത്….🙂

Advertisements

3 thoughts on “പ്രണയം

Add yours

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

Blog at WordPress.com.

Up ↑

%d bloggers like this: