വിശപ്പ്

മീശയുള്ള ചോന്ന ഷർട്ടുകാരന്റെ നാലാമത്തെ തൊഴിയെന്റെ അടിവയറ്റിലാണ് കൊണ്ടത്. ആഴത്തിലൊരാണി കേറും പോലെ പൊള്ളൽ ഉണ്ടായപ്പോൾ, ഇരുകയ്യുമെടുത്തു ഞാൻ വയറ്റത്തു ചേർത്തു പിടിച്ചു.. കൂട്ടത്തിലേറ്റവും നീളമുള്ള ഒരുത്തനെന്റെ കൈകൾ വിടുവിച്ചു പിന്നിലൊരു ചരട് കൊണ്ടൂരാ കുരുക്കിട്ട് മുറുക്കി. ചെറുപ്പത്തിൽ ഞാനും അനിയത്തിയുമറിയാതെ തട്ടിലെ പലകയിൽ അമ്മയുടെ സാരിത്തുമ്പ് കൊണ്ടച്ഛൻ കെട്ടുന്ന അതേ കുരുക്ക്. എത്ര വലിച്ചാലും പൊട്ടിക്കാൻ മെനക്കെട്ടാലും വീണ്ടും കുരുങ്ങുന്നവ. എന്തിനാണത് കെട്ടിയതെന്ന് എത്ര ചോദിച്ചിട്ടും അച്ഛനന്ന് മറുപടി തരുമായിരുന്നില്ല. ഞങ്ങൾ കണ്ടത് കൊണ്ടായിരിക്കാം പലപ്പോഴുമതേ […]

Read More വിശപ്പ്

അങ്ങേയറ്റം ഇമേജ് കോൺഷ്യസ് ആയ കുറച്ചുപേരുണ്ട്.. മനസ്സറിഞ്ഞൊന്നുറക്കെ ചിരിക്കാൻ മടിയുള്ള, മനുഷ്യരുണ്ട്.. നാലാൾ നോക്കി നിൽക്കെ കരഞ്ഞാൽ, നാണക്കേടാണെന്ന് കരുതി മസിലു പിടിച്ചു നടക്കുന്നോരുണ്ട്. ഇഷ്ടമേറെ തോന്നിയൊരു ഫോട്ടോ പബ്ലിക് ആയി പോസ്റ്റ് ചെയ്താൽ നാട്ടുകാരെന്തു കരുതുമെന്ന് ഭയക്കുന്ന, നാലഞ്ചു തവണ ഷെയർ ചെയ്യാനെടുത്തുവച്ച പോസ്റ്റ് ബാക്സ്പെയ്‌സ് അടിച്ചു ഡിലീറ്റ് ചെയ്തു കളയുന്ന, മനുഷ്യരോടൊക്കെയും അങ്ങേയറ്റം സഹതാപമാണ്.. നാളെ എന്തെന്നറിയാത്ത നമ്മളെന്തിനാണ്, നാട്ടുകാരെയും വീട്ടുകാരെയും ബോധിപ്പിക്കാൻ, നമുക്കൊട്ടുമേ ചേരാത്ത വേഷം കെട്ടിയാടുന്നത്. കേവലമൊരു നിമിഷംപോലും നമ്മെ ഓർത്തു […]

Read More

വാക്കുകൾ മനുഷ്യരായിരുന്നെങ്കിലോ?

വാക്കുകൾ മനുഷ്യരായിരുന്നെങ്കിലോ? തൊണ്ടയിൽ കുരുങ്ങി ശ്വാസം മുട്ടി മരിച്ചവരുടെ കൂട്ടത്തിലെത്രപേരായേനെ.. വായിൽ പെട്ട് വീർപ്പുമുട്ടി പുറത്തു ചാടാൻ വെമ്പി വിങ്ങിപ്പൊട്ടിച്ചത്തുമലച്ചവർക്ക് അറുതി ഇല്ലാതായേനെ.. എത്ര സ്നേഹങ്ങളെയാണ്, മടിയും പേടിയും കൂടി കുത്തിക്കൊലപ്പെടുത്തിയിട്ടുണ്ടാവുക? എത്ര നിസ്വാർത്ഥ പ്രണയങ്ങളാവും ത്യാഗത്തിന്റെയും വിട്ടുകൊടുക്കലിന്റെയും പേരിൽ സ്വയം തീയിട്ടു വെന്തു വെണ്ണീരായിട്ടുണ്ടാവുക? എത്ര ഏറ്റുപറച്ചിലുകളാവും വാതിലിന്റെ വക്കോളമെത്തി തിരികെ ഓടിപ്പോയി മറഞ്ഞിട്ടുണ്ടാവുക? എത്ര ക്ഷമ ചോദിക്കലുകളാവും ഉപേക്ഷിക്കപ്പെട്ടു വഴിയരികിൽ മരവിച്ചുകിടപ്പുണ്ടാവുക? എത്ര ഓർത്തെടുക്കലുകളാവും തിരക്കുകളുടെ പാറക്കെട്ടിൽ സ്വയം തലതല്ലി ചത്തുപോയിട്ടുണ്ടാവുക? എത്ര മനസിലാക്കലുകളാവും […]

Read More വാക്കുകൾ മനുഷ്യരായിരുന്നെങ്കിലോ?

കാലം മായ്ക്കാത്ത മുറിവുകളില്ലെന്നൊക്കെ വെറുതെ പറയുന്നതാണ്.. ആഴമേറിയ ഒരു മുറിവും കാലത്തിന് ഉണക്കാൻ കഴിയുകയേ ഇല്ല.. ഒരുപാട് പിന്നിടുമ്പോൾ, ഒരുപക്ഷേ ആ മുറിവ് ജീവിതത്തിന്റെ ഭാഗമാണെന്ന് നമ്മൾ വിശ്വസിച്ചു പോവുന്നുണ്ടാവാം.. ഒരു ചെറിയ ശീല കീറിയെടുത്തു മരുന്നു വച്ചു കെട്ടി ഉവ്വാവു കാക്ക കൊണ്ടു പോയി എന്നുപറഞ്ഞു ജീവിതം നമ്മളെ കബളിപ്പിക്കുന്നതുമാവാം.. എന്ത് തന്നെ ആയാലും, ജീവിതം ആളത്ര ചില്ലറക്കാരനല്ല എന്നുറപ്പാണ്.. ബുദ്ധിരാക്ഷസന്മാരെന്നു ചൊല്ലിയഹങ്കരിക്കുന്ന നമ്മൾ മനുഷ്യരെ, എന്ത് വിദഗ്ദമായാണ് അങ്ങേര് പറ്റിക്കുന്നത്? ഏതെങ്കിലും കനത്ത കാറ്റുവന്നു […]

Read More

പെട്ടെന്നൊരു ദിവസം ഉണർന്നെണീക്കുമ്പോൾ കട്ടിലിനരികിൽ ഒരുകൂട്ടം സ്വയം പ്രഖ്യാപിത രാജ്യസ്നേഹികൾ മുഖം മറച്ചുകൊണ്ട് കാത്തുനിൽക്കുന്നു. നെറ്റിയിലെ നിസ്കാരത്തഴമ്പുകണ്ട് മേലാസകലം ക്രോധമിരച്ചുകയറി അവർ പറയുകയാണ്. ഈ കാറ്റും കടലും കുന്നും പുഴയും ഒന്നും എന്റേതല്ലെന്ന്. ഇവിടെ നിന്നും നാട് വിട്ടു പോകണമെന്ന്. ഞാനെങ്ങോട്ട് പോവണമെന്നവരോട് തിരിച്ചു ചോദിച്ചു. വന്നിടത്തേക്ക് തിരിച്ചു പോവാൻ അവരാക്രോശിച്ചു. അമ്മയുടെ ഗർഭപാത്രത്തിന്റെ സുരക്ഷിതത്വത്തിലേക്ക് തിരിച്ചു ചേക്കേറാൻ എനിക്കുമതിയായ ആഗ്രഹമുണ്ടെന്ന് ഞാനവരോട് പറഞ്ഞു. വാശിയോടവരെന്റെ മുടിയിൽ കടന്നുപിടിച്ചാഞ്ഞു തള്ളി. കൂട്ടത്തിലൊരുവന്റെ മുഖപടം കാറ്റിൽ ഊർന്നുവീണപ്പോൾ ഞെട്ടിത്തരിച്ചു […]

Read More

അവൾ ചിരിക്കുകയായിരുന്നല്ലോ

ചത്ത മീനിന്റെ കണ്ണോട് കൂടി ജീവിച്ചിരിക്കുന്ന ഒരുവളെ കുറിച്ച് നിങ്ങൾക്കറിയാമോ? അവളെന്നും ചിരിക്കാറുണ്ട്. വരണ്ട ഹൃത്തിന്റെ വിങ്ങലൊളിപ്പിച്ചു പലപ്പോഴും പൊട്ടിപ്പൊട്ടിച്ചിരിക്കാറുണ്ട്. നിങ്ങൾക്കൊരിക്കലും അവളുടെ കണ്ണുകൾ നനഞ്ഞുകാണാനാവില്ല. നെഞ്ചുപൊട്ടിത്തകരുന്നുവെന്ന് ഏറ്റവും പ്രിയപ്പെട്ടവരോട് അവളാണയിട്ടു പറഞ്ഞെന്നുവരും. എങ്കിലും അവരും അവളെ വിശ്വസിക്കുകയില്ല. അവൾ ചിരിക്കുകയായിരുന്നല്ലോ? നിങ്ങൾ അവളെ ദയവ് ചെയ്ത് പ്രണയിക്കരുത്. പാതിവഴിയിൽ ഉപേക്ഷിച്ചുപോവാനാണെങ്കിൽ മരണം വരെ കൂടെയുണ്ടാവുമെന്ന് വെറുതെ കള്ളം പറയരുത്. ഇന്ന് സ്നേഹിച്ച്, നാളെ കണ്ടു പരിചയം പോലുമില്ലാത്ത പോലെ തിരിഞ്ഞു നോക്കാതെ നടന്നുപോവുമ്പോൾ ചങ്കുപൊട്ടിയവൾ നിലവിളിക്കുന്നത് […]

Read More അവൾ ചിരിക്കുകയായിരുന്നല്ലോ

കുഞ്ഞി

“ത്രേസ്യേ.. ഒരടക്ക പോലും കാണാനില്ലാലോ.. ഒരു പൊടിക്ക് പോലും കിട്ടാനില്ലാലോ.. എവ്ടെ പോയീതാവോ..” “കുഞ്ഞിയേടത്തി.. അടക്ക ഒന്നൂല്ല. കവുങ്ങുമ്മൽ കണ്ടില്ല്യേ.. ഒന്ന് പോലൂല്ല.. പിന്നെന്തിനാ വെർതേ അയ്ന്റെ ചോട്ടിൽ കാട്ടിലൂടെ ഇങ്ങനെ നടക്കണെ..” എൺപത് കഴിഞ്ഞിട്ടും കുഞ്ഞിയുടെ മനസ്സിന് ഒട്ടും തളർച്ച ബാധിച്ചിട്ടില്ല. രാത്രി ഉറക്കമിളച്ചിരുന്നു മുറുക്കാൻ പുകയിലയും വെറ്റിലയും കൂടെ അടക്കയും വേണം. വാങ്ങി വച്ചതൊക്കെ പകല് തന്നെ ചവച്ചു തീരും. ഉറക്കം ലവലേശം ഇല്ലല്ലോ. പിന്നെ രാത്രി എന്താ ചെയ്ക? എത്ര തിരഞ്ഞിട്ടും തന്റെ […]

Read More കുഞ്ഞി

അവൾക്കൊപ്പം ഒരു ദിനം

“ഒരു പെണ്ണിന് ഏറ്റവും വേദനിക്കുന്നത് എപ്പോഴാണെന്നറിയുമോ രാജീവ്?” “കൂട്ടിലടക്കപ്പെടുമ്പോൾ..” “നോ..അല്ല രാജീവ്. A touch without consent.അനുവാദമില്ലാതെ ഉള്ള ഒരാളുടെ സ്പർശനങ്ങൾ, ഒരേ സമയം വേദനിപ്പിക്കുകയും ക്ഷുഭിതയാക്കുകയും ചെയ്യുന്ന ഒന്നാണത്..” “ഉം..ആയിരിക്കാം സ്വപ്ന..എന്നിട്ടും നീ ഈ ജോലി ചെയ്യുന്നില്ലേ..” “ഉണ്ട്..ഓരോ ദിവസവും ഓരോ മണിക്കൂറും ഞാനത് അനുഭവിക്കുന്നുമുണ്ട് രാജീവ്. മനസ് കൊണ്ട് ഞാൻ അനുവാദം കൊടുക്കാതെ തന്നെയാണ് ഓരോരുത്തരും എന്നെ തൊടുന്നതും, എന്റെ ശരീരത്തെ ഉപയോഗിക്കുന്നതും. പക്ഷേ ഇതെനിക്ക് ഇന്നെന്റെ ജോലി ആണ് രാജീവ്. ഞാൻ ജീവിക്കുന്നത് […]

Read More അവൾക്കൊപ്പം ഒരു ദിനം